“Balkan” gämi gurluşyk we abatlaýyş zawodynda ýakyn wagtda 2 sany Ro-Ro görnüşli parom gämilerini, 3 sany gury ýük gämilerini gurmaklyk meýilleşdirilýär. Bu barada Türkmenistanyň Deňiz we derýa ulaglary döwlet gullugy anna güni habar berdi.

Häzirki wagtda “Balkan” gämi gurluşyk we abatlaýyş zawodynda 2 sany gury ýük gämisiniň, 1 sany deňziň düýbüni çuňaldyjy gäminiň gurluşygy dowam edýär.

Habarda bellenilişi ýaly, işe girizilen gününden bäri, zawodda dürli maksatly gämileriň birnäçesinde abatlaýyş işleri geçirilip, sargytlar öz wagtynda we ýokary hilli ýerine ýetirilýär.

“Balkan” gämi gurluşyk we abatlaýyş zawody ýylda 10 000 tonna polady işläp taýýarlamak we 4–6 sany täze gämileri gurmak üçin, şeýle hem ýylda 2 000 tonna polady işläp taýýarlamak we 20–30 sany gämileri abatlamak üçin niýetlenendir.