“Türkmenpoçta” poçta aragatnaşyk kompaniýasy ýükleri ibermek we kabul etmek boýunça hyzmatlary hödürleýär.

Bu hyzmat ýuridiki, şeýle hem fiziki şahslar üçin elýeterlidir.

Kompaniýanyň ýurdumyzyň ähli demirýol menzillerinde hereket edýän ýük bölümlerine ýüz tutup, siz ýüküň möçberine we ölçegine garamazdan ony Türkmenistanyň islendik nokadyna iberip bilersiňiz.

Ýüki demirýol menziline özbaşdak ýa-da munuň üçin çapar çagyryp ýetirmek bolýar.

Ýük ugradylmazdan ozal “akylly” terezilerde çekilýär. Operator kompýutere ýüküň ölçegi we eltilmeli nokady baradaky maglumaty girizýär, ulgam bolsa awtomatik ýagdaýda hyzmatyň bahasyny hasaplaýar.

Girizilen maglumaty we hasaplamalary “Türkmenpoçtanyň” bitewi sanly platformasynda yzarlap bolýar. Munuň özi amallaryň aýdyňlygyny üpjün etmek we müşderiniň kärhananyň işine ynamyny pugtalandyrmak üçin ýola goýuldy.

Iberilen ýüküň barmaly nokadyna öz wagtynda we ygtybarly ýetirilmegi “Türkmenpoçtanyň” ýük bölüminiň hyzmatlaryndan peýdalanmagyň artykmaçlyklarynyň biridir. Ýük wagonlary ýurdumyzyň ähli sebitlerinde gündelik hereket edýär.

Müşderiniň islegi boýunça ýüki ýük bölüminden özleri hem alyp gaýdyp bilýärler.

Bu hyzmatdan peýdalanmak üçin alyjynyň pasportyny ýa-da şahsyýetini tassyklaýan başga bir resminamany görkezmek zerurdyr.

Giňişleýin maglumat almak üçin (+99312) 94-20-34 ýa-da 075 gysga belgä jaň ediň.