“Saýaly menzil” hojalyk jemgyýeti Arkadag şäheriniň medisina klasteriniň dolandyryş merkeziniň gurluşygyny alyp barar. Bu barada kompaniýanyň esaslandyryjysy Aşyrmyrat Kulyýew “Türkmenistan” gazetine beren interwýusynda mälim etdi.

A.Kulyýewiň bellemegine görä, kompaniýa eýýäm Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň buýurmasy boýunça, 30 öýli 5 gatly jaýlaryň 3-sini, 40 öýli 5 gatly jaýlaryň hem 3-sini, 320 orunlyk çagalar bagyny gurmak boýunça işlere girişdi.

Mundan öň, kompaniýa şäheriň birinji tapgyrynda 30 öýli 5 gatly jaýlaryň ikisiniň, şeýle hem 40 öýli iki jaýyň gurluşygy unanylyp, olar eýýäm ulanylmaga berildi.

2025-nji ýylyň 11-nji ýanwarynda Türkmenistanyň Prezidenti Serdar Berdimuhamedow “Arkadag medisina klasteriniň birinji tapgyryny gurmak hakynda” Karara gol çekdi. Resminama laýyklykda, gurluşyk işlerine 2025-nji ýylyň ýanwar aýynda başlamak, 2027-nji ýylyň ýanwar aýynda bolsa ulanmaga doly taýýar edip tabşyrmak bellenilendir.