“Türkmenistan” awiakompaniýasynyň wekilleri ýapon agentliklerindäki kärdeşleri bilen birnäçe gepleşikleri geçirdiler. Olaryň dowamynda Aşgabadyň we Tokionyň arasynda uçar arkaly ýük daşamalaryny guramak meselelerine aýratyn üns berildi.

Türkmenistanyň Ýaponiýadaky ilçihanasynyň anna güni habar bermegine görä, duşuşyklar türkmen wekiliýetiniň 2025-nji ýylyň 13 – 16-njy ýanwarda Tokio şäherine saparynyň çäklerinde geçirildi.

Mundan öň, Türkmenistanyň we Ýaponiýanyň howa ýollary agentlikleriniň wekilleri iki ýurduň arasynda göni howa gatnawlaryny ýola goýmak meselelerini maslahatlaşdylar.

Gepleşikleriň jemleri boýunça taraplar degişli ugurda resminamalaryň toplumyna gol çekdiler.