Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Monako Knýazlygynyň Şazadasynyň geňeşçisi, Parahatçylyk we sport guramasynyň prezidenti we esaslandyryjysy Žoel Buzu bilen duşuşdy. Bu barada Türkmenistanyň resmi metbugaty habar berýär.

Söhbetdeşligiň dowamynda Žoel Buzu Türkmen bedewiniň milli baýramy mynasybetli Gurbanguly Berdimuhamedowy mähirli gutlap, Şazada Alber II-niň we Şagyzy Stefaniýanyň salamyny we iň gowy arzuwlaryny ýetirdi.

Türkmen halkynyň Milli Lideri hoşniýetli sözler we gutlaglar üçin minnetdarlyk bildirip, öz gezeginde Şazada Alber II-ä we Şagyzy Stefaniýä iň gowy arzuwlaryny beýan etdi.

Taraplar Türkmenistan bilen Monako Knýazlygynyň arasynda deňhukuklylyk we özara hormat goýmak ýörelgeleriniňe esasynda ösdürilýän gatnaşyklaryň ösüşine kanagatlanma bildirdiler. Gurbanguly Berdimuhamedow we Žoel Buzu syýasy, ykdysady, medeni we ynsanperwer ulgamlarda ikitaraplaýyn hyzmatdaşlygyň möhüm ähmiýetini bellediler.

Şunuň bilen baglylykda, Žoel Buzu ýolbaşçylyk edýän guramasynyň sport ulgamynda Türkmenistan bilen hyzmatdaşlygy berkitmäge taýýardygyny tassyklady.

Türkmen bedewiniň mili baýramy mynasybetli Aşgabatda guralan dabaralaryň çäklerinde Türkmenistanyň Prezidenti Serdar Berdimuhamedowyň hem Monako Knýazlygynyň Şazadasynyň geňeşçisi, Parahatçylyk we sport guramasynyň prezidenti we esaslandyryjysy Žoel Buzu bilen duşuşygy boldy.