Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow duşenbe güni Pariž şäherinde Fransiýanyň Prezidenti Emmanuel Makron bilen duşuşdy. Bu barada Türkmenistanyň resmi metbugaty habar berýär.

Şeýle hem Fransiýanyň Prezidentiniň sosial ulgamdaky sahypasynda bellenilmegine göra, duşuşygyň barşynda taraplar energetika geçiş, infrastruktura, bilim we medeniýet ulgamlarynda ikitaraplaýyn hyzmatdaşlygy ösdürmäge gönükdirilen birnäçe ylalaşyklar baglaşdylar.

Türkmenistany ikinji telekommunikasiýa hemrasy bilen üpjün etmek hakynda “Thales Alenia Space Group” kompaniýasy bilen Çarçuwaly ylalaşyga gol çekilmegi şolaryň esasylarynyň hataryndadyr diyip, Fransiýanyň resmi metbugaty habar berýär.

Gurbanguly Berdimuhamedow we Emmanuel Makron şeýle hem durnukly şäher gurşawyny ösdürmek, akademik we bilim alyşmalary boýunça Ýol kartasyny taýýarlamak hem-de Türkmenistanda bilelikdäki arheologik barlaglary giňeltmek babatda hyzmatdaşlyk etmek hakynda ylalaşdylar.

Şeýle hem şol gün türkmen halkynyň Milli Lideri Türkmen-fransuz ykdysady forumyna gatnaşdy.