Türkmenistan “Caspian Agro” atly Azerbaýjanyň 18-nji Halkara oba hojalyk sergisine hem-de 30-njy ýubileý Halkara azyk senagaty sergisine gatnaşar. Bu çäreler Baku şäherinde 13 – 16-njy maý aralygynda geçiriler diýip, Türkmenistanyň resmi metbugaty habar berýär. 

Habar berlişine görä, Türkmenistanyň 30-dan gowrak ýurtdan 450 töweregi kompaniýanyň gatnaşjak möhüm ähmiýetli çärelere gatnaşjakdygy tassyklanyldy. Sergiler türkmen kärhanalaryna halkara giňişlikde öz önümlerini tanyşdyrmaga we geljegi uly hyzmatdaşlar we maýadarlar bilen işewürlik gatnaşyklary ýola goýmaga mümkinçilik berer. 

Bakuda geçiriljek sergilere gatnaşmaklyk türkmen kärhanalarynyň öňünde oba hojalygyndaky we azyk senagatyndaky üstünliklerini görkezmekleri, olaryň dünýäniň öňdebaryjy önüm öndürijileriniň soňky innowasion gazananlary bilen tanyşmaga giň şertleri döredýär. Olara gatnaşýan ýurtlaryň hataryna Germaniýa, ABŞ, Günorta Koreýa, Italiýa, Eýran, Türkiýe, Özbegistan, Gazagystan we Russiýa hem goşuldy. 

“Caspian Event Organizers” kompaniýasynyň guramaçylyk işgärleriniň wekili Bahruz Hidaýatzade şu ýylda bu sergileriň dört günläp geçirilmeginiň olara gatnaşýanlaryň işewürlik gatnaşyklaryny ýola goýmaklary üçin has köprak wagt mümkinçiliklerini hödürleýändigini aýtdy. 

“Caspian Agro” atly Azerbaýjanyň 18-nji Halkara oba hojalyk sergisi häzirki zaman oba hojalyk tehnologiýalaryny ilerletmegi, halkara işewürlik gatnaşyklary ösdürmegi hem-de pudagyň innowasion çözgütlerini goldamagy maksat edinýär.