Ýewropa Bileleşigi tarapyndan maliýeleşdirilýän Merkezi Aziýada Serhet dolandyryşyna kömek maksatnamasy Aşgabatda Türkmenistanyň serhet, gümrük, migrasiýa, weterinariýa we fitosanitar edaralarynyň işgärlerini taýýarlamaga jogapkär mugallymlardyr işgärler üçin häzirki zaman okuw usullary boýunça okuw gurady.

Okuwy Merkezi Aziýada serhet dolandyrylyşyna kömek maksatnamasynyň bilermeni, bilim işleri boýunça taslamalary taýýarlamak we dolandyrmak boýunça geňeşçi Ýuliýa Kazakowa geçirdi.

Okuwa gatnaşanlar diňleýjileri höweslendirme terzini-de goşmak bilen häzirki zaman okuw usullaryny öwrendiler. Diňleýjileriň maslahat görnüşinde öz ussatlyk sapaklaryny geçirmekleri bu okuwyň esasy ugry boldy, çünki olar okuwda alan bilimlerini bu sapaklarda iş ýüzünde ulandylar.

Çäre, degişli bölümlerde işgärlerini taýýarlamak üçin jogapkär hünärmenleriň hünär ussatlygynyň ýokarlanmagyna goşant goşdy we serhet dolandyryşy boýunça milli okuw ulgamyny kämilleşdirmek üçin möhüm ädim boldy.