Şu ýylyň ilkinji bäş aýynda Hytaý bilen Merkezi Aziýanyň bäş ýurdunyň (Gazagystan, Gyrgyzystan, Täjigistan, Türkmenistan we Özbegistan) arasyndaky söwda dolanyşygy geçen ýyl bilen deňeşdirilende 10,4 göterim artyp, 286,42 milliard ýuana (39,91 milliard dollar) ýetdi. Bu barada Türkmenistanyň resmi metbugaty sişenbe güni habar berdi.

Habarda bellenilişi ýaly, şu ýylyň ýanwar-maý aýlarynda Hytaýdan Merkezi Aziýa ýurtlaryna eksport 5,6 göterim artyp, 188,18 milliard ýuana ýetdi. Hytaýyň Merkezi Aziýadan importy 21 göterim ýokarlanyp, 98,24 milliard ýuana deň boldy.

Hytaýyň Merkezi Aziýa ýurtlaryndan oba hojalyk önümleriniň importy ep-esli artyp, onuň umumy bahasy 4,36 milliard ýuana ýetdi. Bu bolsa geçen ýyl bilen deňeşdirilende 26,9 göterim köpdir.

Ýol ulaglary bilen amala aşyrylýan söwdanyň mukdary hem artyp, 43,65 milliard ýuana barabar boldy. Bu görkeziji geçen ýyl bilen deňeşdirilende 10,9 göterim ýokarlandy.