“Awaza” Milli syýahatçylyk zolagynda Hazarýaka döwletleriniň wekilleriniň gatnaşmagynda ekologik howpsuzlyk we Hazar deňziniň serişdelerini durnukly peýdalanmak meselelerine bagyşlanan iş duşuşygy geçirildi. Bu çäre Türkmenistanyň Daşary işler ministrligi bilen Hazar deňzi institutynyň bilelikde guramagynda geçirildi. Bu barada Türkmen resmi metbugaty sişenbe güni habar berdi.

Duşuşyga Azerbaýjan, Eýranyň, Gazagystanyň, Russiýanyň we Türkmenistanyň degişli ministrlikleriniň we edaralarynyň wekilleri gatnaşdylar. Gatnaşyjylar daşky gurşawy goramak, biodürlüligi saklamak we sebitde tebigaty goramak başlangyçlaryny durmuşa geçirmek boýunça hyzmatdaşlygy pugtalandyrmaga aýratyn üns berdiler.

Türkmenistanyň Ministrler Kabinetiniň başlygynyň orunbasary, Daşary işler ministri Raşid Meredow Hazarýaka ýurtlaryň sebitleýin sammitlerinde kabul edilen çözgütleriň esasynda hyzmatdaşlygyň artdyrylmagynyň möhümdigini belledi. Ol Türkmenistanyň Hazar deňziniň ekologik gün tertibini we durnukly ösüşi ugrunda işjeň gatnaşýandygyny aýtdy.

BMG-niň habar bermegine görä, deňze çykalgasy bolmadyk 32 sany ösüp barýan ýurduň 16-sy Afrika, 10-sy Aziýa, 4-si Ýewropa we 2-si Latyn Amerikada ýerleşýär. LLDC ýurtlarynda 500 milliondan gowrak adam ýaşaýar, bu bolsa dünýä ilatynyň takmynan 7%-ni düzýär.