Türkmenistanyň Pakistandaky Ilçisi Atajan Möwlamow duşenbe güni Yslamabatda Pakistanyň Federal Maliýe we girdejiler ministri senator Muhammad Aurangzeb bilen duşuşyk geçirdi. Taraplar işewürlik üçin amatly şertleri döretmegiň mümkinçiliklerini ara alyp maslahatlaşdylar. Bu barada Türkmenistanyň Pakistandaky ilçihanasy habar berýär.

Duşuşykda taraplar türkmen–pakistan gatnaşyklarynyň dostlukly häsiýetini belläp, özara bähbitli taslamalaryň durmuşa geçirilmegine, maýa goýumlarynyň artdyrylmagyna we söwda gatnaşyklarynyň giňeldilmegine gyzyklanma bildirdiler. Hususan-da, diplomatlar TAPI gaz geçirijisiniň gurulmagyny çaltlandyrmagyň sebitleýin ykdysady gatnaşyklarda möhüm orun eýeleýändigini bellediler.

Atajan Möwlamowyň, Ýeržan Kistafin bilen bilelikde Muhammad Hanif Abbasi bilen duşuşygy, 2025-nji ýylyň 8-nji awgusty, Yslamabat, Päkistan (Surat: Türkmenistanyň Päkistandaky ilçihanasy)

Şeýle hem, Atajan Möwlamow 8-nji awgustda Gazagystanyň Ilçisi Ýeržan Kistafin bilen bilelikde Pakistanyň Demirýol işleri boýunça Federal ministri Muhammad Hanif Abbasi bilen duşuşdy. Bu duşuşykda iki taraplar ulag we logistika infrastrukturasyny ösdürmek, Merkezi Aziýa bilen Günorta Aziýanyň arasyndaky hyzmatdaşlygy ilerletmek babatda pikir alşyldy.

Duşuşygyň ahyrynda taraplar hyzmatdaşlygy ösdürmäge taýýardyklaryny tassyklap, logistika ugurlarynyň giňeldilmegi we infrastruktura taslamalarynyň durmuşa geçirilmegine, sebitleýin söwdanyň ösdürilmegine, maýa goýumlaryň artdyrylmagyna we durnuklylygyň berkidilmegine itergi berjekdigini bellediler.