Türkmensitan 2025-nji ýylyň 26–29-njy noýabr aralygynda “Istanbul Expo Center” merkezinde geçiriljek “Halal Expo 2025” halkara sergisinde milli pawilýony bilen gatnaşar. Bu barada Ministrler Kabinetiniň Başlygyň orunbasary Nökerguly Atagulyew anna güni geçirilen hökümet mejlisinde çykyş etdi.

Resmi metbugatyň habar bermegine görä, sergä Türkmenistanyň oba hojalyk, azyk, dokma we plastmassa önümlerini öndürýän kärhanalary, şeýle hem ulag, logistika we syýahatçylyk ugurlarynda işleýän kompaniýalary gatnaşar.

Türkmenistanyň Prezidenti Serdar Berdimuhamedow hasabaty diňläp, ýurduň dünýä döwletleri bilen söwda-ykdysady gatnaşyklary ösdürmäge ýardam edýän halkara sergilere yzygiderli gatnaşýandygyny belledi. Döwlet Baştutany Stambul şäherinde geçiriljek “Halal Expo 2025” halkara sergisine gatnaşmagy boýunça taýýarlanan teklibi makullap, wise-premýere degişli işleri geçirmegi tabşyrdy.

“Halal Expo 2025” — Türkiýede geçiriljek iň iri halal senagaty sergisi bolup, bu ýerde her ýyl azyk, kosmetika, farmasewtika, moda we logistika ugurlarynda öndürijiler hem-de distribýutorlar duşuşýarlar.