Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni “Awaza” milli syýahatçylyk zolagynda Azerbaýjan Respublikasynyň Prezidenti Ilham Aliýew bilen duşuşyk geçirdi.

Azerbaýjan Lideri "Türkmenistan – Azerbaýjan – Özbegistan" formatyndaky üçtaraplaýyn sammite gatnaşmak üçin iş sapary bilen Türkmenistana geldi. Bu barada Türkmenistanyň resmi metbugaty habar berýär.

Duşuşyk ikiçäk formatynda hem-de giňişleýin düzümde geçirildi. Söhbetdeşlikde türkmen-azerbaýjan gatnaşyklarynyň ulgamlaýyn häsiýete eýe bolandygy we durnukly hyzmatdaşlyk derejesinde ösýändigi aýratyn bellenildi.

Taraplar hoşniýetli goňşuçylyk we özara bähbitli hyzmatdaşlyk ýörelgelerine esaslanýan döwletara gatnaşyklary mundan beýläk-de ösdürmäge taýýardygyny tassykladylar.

2025-nji ýylyň 22-nji awgustynda Özbegistan Respublikasynyň Prezidenti Şawkat Mirziýoýew hem türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň çakylygy boýunça iş sapary bilen Türkmenistana geldi.