Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow Azerbaýjan Respublikasynyň Prezidenti Ilham Alyýew we Özbegistan Respublikasynyň Prezidenti Şawkat Mirziýoýew bilen bilelikde Awazada geçirilen medeni çärä gatnaşdy. Çäräniň dowamynda doganlyk ýurtlaryň Döwlet Baştutanlaryna ýadygärlik sowgatlary gowşuryldy. Bu barada Türkmenistanyň resmi metbugaty habar berýär.

Azerbaýjan Respublikasynyň Prezidentine "Tawus" atly ahalteke bedewi, Özbegistan Respublikasynyň Prezidentine bolsa arwana köşekli düýe sowgat berildi.

Gurbanguly Berdimuhamedow, Ilham Alyýew we Şawkat Mirziýoýew, 2025-nji ýylyň 22-nji awgusty, Awaza, Türkmenistan (Surat: Özbegistanyň Prezidentiniň resmi metbugat gullugy)

Medeni çärede, türkmen halkynyň Milli Lideriniň başlangyjy bilen 2007-nji ýylda döredilen “Galkynyş” milli at oýunlar toparynyň çykyşlary görkezildi. Topar ahalteke bedewleriniň üstünde çylşyrymly tilsimleri ýerine ýetirdi.

Şeýle hem, 2025-nji ýylyň 17-nji iýulynda Azerbaýjan Respublikasynyň Prezidenti Ilham Alyýew türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa “Dostluk” atly garabag bedewini sowgat etdi.